बिर्तामोड । 

नेपाल प्रेस युनियन झापाको १० औं जिल्ला अधिवेशन एवम् सम्मान तथा पुरस्कार वितरण कार्यक्रम उद्घाटन भएको छ । झापाको बिर्तामोडमा आइतवार (आज) भएको युनियन अधिवेशन एवम् सम्मान तथा पुरस्कार बितरण कार्यक्रमको उद्घाटन नेपाली कांग्रेस झापाका सभापति तथा कार्यक्रमका प्रमुख अतिथिसमेत रहेका देउकुमार थेबेले गरेका हुन् । 

युनियन झापा अध्यक्ष इन्दु पुर्वेलीको अध्यक्षतामा भएको कार्यक्रममा स्वागत युनियनका उपाध्यक्ष गिरीराज भट्टराई र कार्यक्रमको सञ्चालन सह–सचिव स्वतिका आचार्यले गरेकी थिइन् ।

अध्यक्ष इन्दुले सांगठानिक प्रतिवेदन प्रस्तुत गरेको कार्यक्रममा नेपाल पत्रकार महासंघ झापा अध्यक्ष एकराज गिरी, नेपाली कांग्रेस झापा उपसभापति केशवराज पाण्डे, सचिव कृष्ण हुमागाई, सल्लाहकार तथा पूर्व अध्यक्षहरु गोबिन्दचन्द्र क्षत्रि, चिन्तामणि दाहाल, लोकराज ढकाल, भिम नेम्वाङलगायतको उपस्थिति रहेको थियो । 

सोही कार्यक्रमकाबिच खगेन्द्र कार्की स्मृति पत्रकारिता पुरस्कार, टंकप्रसाद रमादेबी पाठक स्मृति पत्रकारिता पुरस्कार र रमादेबी टंकप्रसाद पाठक स्मृति पत्रकारिता पुरस्कारसमेत बितरण गरिने जनाइएको छ । साथै आर्थिक तथा भौतिक रुपमा संस्थालाई सहयोग गर्ने दाताहरुलाई समेत सम्मान गरिने जनाइएको छ । 

अधिवेशनले नयाँ नेतृत्व चयन गर्ने जनाइएको छ । नेतृत्वका लागि सुरेन्द्र भण्डारी, राजेन्द्र गौतम, गिरीराज भट्टराई र इश्वर अधिकारीले दावी गर्दै आएका छन् ।