• राजु बराल 

चन्द्रगढी ।

झापाको भद्रपुर  ५ स्थित सिद्धार्थ शिशु सदनमा बिदाइ कार्यक्रम आज (शुक्रबार) सम्पन्न भएको छ । कक्षा १२ को  बोर्ड परीक्षामा सहभागि बिद्यार्थीहरुलाई भद्रपुरको होटल उड ल्यान्डमा आयोजित कार्यक्रममा बिदाइ गरिएको हो ।

आरोही इन्भेस्टमेन्ट प्रालिका अध्यक्ष रमेश पोखरेलको प्रमुख आतिथ्यमा सम्पन्न उक्त कार्यक्रममा प्रमुख अतिथि पोखरेल, बिद्यालयका प्रधानाध्यापक श्याम देवान र निर्देशक प्रकाश भन्डारीले कक्षा १२ का बिद्यार्थीलाई मायाको चिनो हस्तान्तरण गरेका थिए । 

कार्यक्रममा प्रमुख अतिथि पोखरेल, शिक्षक कमला भण्डारीका साथै बिद्यार्थीका तर्फबाट आयुस राई, सिवानी लिम्बु, दिप्ती रेग्मी र सुप्रभा बजगाईले शुभकामना मन्तब्य राखेका थिए । 

बिद्यालयका प्रधानाध्यापक श्याम देवानको अध्यक्षता र निर्देशक प्रकाश भण्डारीले स्वागत गरेको कार्यक्रमको सन्चालन रेजिना आचार्यले गरेकी थिइन् ।