विर्तामोड । 

नेपाल विद्यार्थी संघ झापाले आफ्नो ५४ औं  स्थापना दिवसको अवसर पारेर सहिद राजन गिरीको स्मृतिसभा एवं रक्तदान कार्यक्रम सम्पन्न गरेको छ ।

नेविसंघ स्थापना दिवस तथा शहीद राजन गिरीको १७ औं स्मृति दिवसको सन्दर्भ पारेर कनकाई–८ स्थित शहीद राजन गिरीको शालिकमा माल्यर्पण गर्दै स्मृतिसभा सम्पन्न भएको हो ।

सहिद राजन गिरी प्रतिष्ठानका अध्यक्ष लीलाबहादुर कटुवालको सभापतित्व तथा सहिद पिता राजन गिरीका पिता केदार समशेर गिरीको प्रमुख आतित्थ्यमा भएको कार्यक्रममा नेपाली कांग्रेस कोशी प्रदेश सदस्य रन्जिता कार्की, जिल्ला सचिव कृष्ण हुमागाई, क्षेत्रीय सभापति खगेन्द्र मैनाली, कनकाई नगर सभापति दुर्गा प्रसाईं, नेबिसंघ  झापा अध्यक्ष संजय निरौला लगयतले शुभकामना मन्तब्य राखेका थिए । कार्यक्रमको संचालन गोकुल पौडेलले गरेका थिए ।

नेविसंघले स्थापना दिवसको अवसर पारेर नेविसंघ झापाले नेपाली कांग्रेस झापाको कार्यालयमा रत्तदान कार्यक्रम सम्पन्न गरेको छ । नेपाली कांग्रेस झापाका सचिव कृष्ण हुमागाईको प्रमुख आतिथ्य र सञ्जय निरौलाको सभापतित्वमा सम्पन्न कार्यक्रममा २९ पिन्ट रगत संकलन भएको थियो ।