सालबारी ।
जेष्ठ नागरिक मिलन केन्द्र अर्जुनधारा ११ ले नव वर्ष २०८० को अवसरमा सम्मान तथा शुभकामना आदान–प्रदान कार्यक्रम सम्पन्न गरेको छ ।
जेष्ठ आमा बुबाहरुले उनीहरुको समयका लोकगित, पालन र मारुनी गित तथा कविता बाचन गरेका थिए । साथै स्वास्थ्य समृद्धि दीर्घ जीवनको लागि २०८० सालले सबैमा सुख शान्ति ल्याओस भन्दै जेष्ठ नागरिक र त्यस वडाका भाषा कला सस्कृति समिति अन्तर्गत नौमती बाजा महिला समुहलाई सम्मान गरिएको थियो ।
कार्यक्रममा अतिथिहरु जेष्ठ समुहका कृष्ण पौडेल, शेखर अधिकारी, नरेन्द्रप्रसाद तिमसिना, हरि काफ्ले र वडाध्यक्ष खगेन्द्र इङ्गनाम, हस्त परियार लगायतले नव बर्षको शुभकामना व्यक्त गरेका थिए ।
गोपिचन्द्र खरेलको अध्यक्षता तथा जेष्ठ नागरिक समाज केन्द्रका नगर अध्यक्ष रामप्रसाद भट्टराईको प्रमुख आतिथ्यमा सञ्चालित कार्यक्रममा स्वागत ध्रुवकुमार श्रेष्ठ र सहजीकरण सन्चारकर्मी रन्जित परियारले गरेका थिए ।
_1642945611.jpg)
