• राजु बराल 
  

चन्द्रगढी ।

झापाको भद्रपुर नगरपालिका वडा नं. ९ मा सामाजिक गतिविधि गर्दै आएको भृकुटी युवा क्लबले नव वर्ष २०८० तथा सिरुवा पर्वको अवसरमा शुभकामना आदान–प्रदान कार्यक्रम सम्पन्न गरेको छ । 

भद्रपुर नगरपालिकाका प्रमुख गणेश पोखरेलको प्रमुख आतिथ्यमा भद्रपुर वडा न ९ को निन्दा पुल घाटमा सम्पन्न सो कार्यक्रममा प्रमुख अतिथि पोखरेल , भद्रपुर नगरपालिकाका उप–प्रमुख राधा कार्की, वडा नं. ८ का वडाध्यक्ष मनोज सुब्बा, वडा नं. ९ का अध्यक्ष राम दाहाल, ताराचन राजबंशी, लीला घिमिरे, राजन राजबंशीलगायतले शुभकामना मन्तब्य राखेका थिए । 

शनिबार(आज) भएको सोही कार्यक्रममा निन्दा पुल घाटलाई ब्यवस्थित रुपमा निर्माणका लागि अम्बिका पोखरेलको अध्यक्षतामा स्वर्गद्वारी घाट ब्यवस्थापन समिति गठन भएको छ । नवगठित समितिको वरिष्ठ उपाध्यक्ष डिल्लीराम पोखरेल, महिला उपाध्यक्ष उर्मिला सापकोटा, उपाध्यक्ष ताराचन राजबंशी, महासचिव लीला घिमिरे, सचिव पानीलाल राजबंशी र बिमला भट्टराईका साथै कोषाध्यक्ष भरत लम्साल रहेका भृकुटी युवा क्लवका सचिव डिल्लीराम पोखरेलले बताए । 

समिति सदस्यमा सागर घिमिरे, महाबिर मित्रुका, ज्ञानबहादुर राई, धनप्रसाद शिवाकोटी र सुनिता  राजबंशी चयन भएका छन् भने भृकुटी युवा क्लब अध्यक्ष डिल्लीराम अधिकारी पदेन सदस्य रहेको सचिव पोखरेलले जानकारी दिए।

भृकुटी युवा क्लवका अध्यक्ष डिल्लीराम अधिकारीको अध्यक्षतामा भएको कार्यक्रममा स्वागत रमेश पोखरेल र सन्चालन डिल्लीराम पोखरेलले गरेका थिए ।