बिराटनगर।

झापाको दमक नगरपालिका–१ बाट  प्रतिबन्धित लागू औषध ब्राउनसुगरसहित दुई जना र धनकुटाको सागुँरीगढी गाउँपालिका–१ बाट लागू औषध गाँजासहित तीन जनालाई प्रहरीले पक्राउ गरेको छ ।

बिशेष सुचनाको आधारमा प्रहरी पोष्ट फाल्गुनन्द दमकको प्रहरी टोलीले दमक–३ का २१ बर्षीय सागर बिक र दमक–७ का २४ बर्षीय राहुल श्रेष्ठलाई ७ सय मिलिग्राम ब्राउन सुगरसहित पक्राउ गरेको हो ।

त्यस्तै धनकुटाको प्रहरी चौकी मुलघाटबाट गस्तीमा खटिएको प्रहरी टोलीले सागुरीगढी–१ लाबरबोटे स्थितमा संकास्पद अवस्थामा रहेका साँगुरीगढी–३ का २३ बर्षीय सरोज याख्खा, २३ बर्षीय इशाक याख्खा र धनकुटा नगरपालिका–८ का २३ बर्षीय सुमन राईले बोकेको झोला चेक जाँच गर्दा ६ किलोग्राम गाँजा बरामद गरेको हो ।

गाँजासहित पक्राउ परेका उनीहरुको जिल्ला प्रहरी कार्यालय घनकुटाले थप अनुसन्धान गरिरहेको प्रदेश प्रहरीले जनाएको छ ।