दमक । 

झापाको दमक स्थित हिमालय माध्यमिक विद्यालयले आयोजना गरेको हिमावि आइडल २०७९ विदिता लामिछानेले जितेकी छन् । विद्यालयले पहिलो पटक हिमावि आइडल प्रतियोगिता सम्पन्न गरेको छ । 

 विद्यालयले नृत्य र गायन प्रतियोगिताको हिमावि आइडलको फाइनलकालागि तीन चरणमा प्रतिभा छानेको थियो । सो प्रतियोगिताको नृत्य तर्फ कक्षा सातमा अध्यायनरत छात्रा विदिता लामिछाने प्रथम हुँदै हिमावि आइडल जित्न सफल भएकी हुन् ।  यसैगरि कक्षा ८ की मञ्जिला ढुंगाना दोस्रो भएकी छन् भने कक्षा १० की एन्जिला गुरागाई र कक्षा १० की दिक्षा विक तेस्रो भएका छन् ।

यसैगरी नृत्यकै जुनियर तर्फ कक्षा ५ की यमना विक प्रथम भएकी छन् भने कक्षा २ की साधना भट्टराई दोस्रो र कक्षा २ की आस्था राई तृतीय भएकी छन् ।

गायनतर्फ कक्षा नौ कि सिर्जना सिटौला प्रथम भएकी छन् भने कक्षा ८ की नेहा खड्का र कक्षा १० का सन्तोष चौहान सान्तवना भएका छन् । हिमावि आइडल विजेतालाई स्कलरसीपसहित सील्ड, प्रमाणपत्र, र नगद पुरस्कार प्रदान गरिएको विद्यालयका शिक्षक वीरवहादुर लावतीले जानकारी दिए ।

दमक वडा नं. २ का वडाअध्यक्ष प्रजापति सापकोटाको प्रमुख आतित्थ्यतामा भएको फाइनल प्रतियोगिताको अध्यक्षता विद्यालयका प्रधानाध्यापक दोर्ण श्रेष्ठले गरेका थिए । सोही कार्यक्रमका विच विद्यालयले एसईईको तयारीमा रहेका विद्यार्थीहरुलाई शुभकामना समेत प्रदान गरेको छ । एसईईको तयारीमा रहेका विद्याथीलाई शुभकामना दिँदै प्रधानाध्यापक श्रेष्ठले विद्यार्थी भविश्यका कर्णधार भएकाले अध्यायनसँगै जीवनको आदर्श उच्च बनाउन आग्रह गरे । उनले उज्जवल भविश्यको कामनासमेत ब्यक्त गरेका छन् ।