मेचीनगर । 

झापाको मेचीनगर–२ भृकुटी भानु माध्यमिक विद्यालयको ६६ औं वार्षिकोत्सव सम्पन्न भएको छ । विद्यालयको वार्षिकोत्सवको उद्घाटन  मेचीनगर नगर प्रमुख गोपालचन्द्र बुढाथोकीले गरेका थिए ।

कार्यक्रममा विभिन्न विधामा विजेता विद्यार्थीलाई पुरस्कृत गरिएको थियो । त्यस्तै विद्यालयले पुर्व विद्यालय व्यवस्थापन समिति अध्यक्ष घनश्याम दाहाल, निलकण्ठ तिवारी, युवराज कट्टेल, ओम चौहान, रिता ढकाललगायतलाई सम्मान गरेको थियो ।

विद्यालय व्यवस्थापन समिति अध्यक्ष मेघनाथ बास्तोलाको सभापतित्वमा आयोजना भएको  वार्षिकोत्सब कार्यक्रममा स्वागत प्रधानाध्यापक देवेन्द्र खनाल र सञ्चालन शिक्षक ज्ञानेन्द्र ढुङ्गानाले गरेका थिए ।