बिर्तामोड । 

नेपाल कम्युनिष्ट पार्टी (माओवादी केन्द्र) बिर्तामोड नगरले राजनैतिक तथा सांगठानिक कार्ययोजना तथा बिभागीय जिम्मेवारी बाँडफाँड गरेको छ । 

नेकपा (माओवादी केन्द्र) बिर्तामोड नगर अध्यक्ष मोहन सुब्वाको अध्यक्षता तथा पार्टीका केन्द्रिय सदस्य झलकसिंह दर्लामीको प्रमुख आतिथ्य बुधवार (आज) बिर्तामोडमा बसेको तेस्रो विस्तारित वैठकले जिम्मेवारी बाँडफाँड गरेको हो । 

वैठकले नगर उपाध्यक्ष जेबी जबेगुलाई जवस÷ जातीय मोर्चा र विकास निर्माण, उपाध्यक्ष कमलप्रसाद कडरियालाई पार्टी स्कुलिङ तथा शिक्षक, बुद्धिजिवी, उपाध्यक्ष छाँया सिग्देललाई महिला बिभाग, कोषाध्यक्ष कृष्ण लिम्बुलाई युवा, सह–सचिव सन्दिप प्रसाईलाई बिद्यार्थी विभागको जिम्मेवारी दिएको छ । 

त्यस्तै आर्थिक बिभाग तथा लेबी ब्यवस्थापन, श्रम शिविर सञ्चालन, भूमिहीन सुकुम्वासी समस्या सम्बन्धि, नगर पार्टी कार्यालय स्थापना, नियमित पार्टीको बैठक प्रत्येक महिनाको ७ गते, उद्योग बाणिज्य विभाग र अनुशासन बिभागलगायतको राजनैतिक तथा सांगठानिक कार्ययोजना तथा बिभागीय जिम्मेवारी बाँडफाँड गरेको छ । 

कार्यक्रममा प्रमुख अतिथि दर्लामी, पार्टीका प्रदेश सदस्य तथा झापा सह–इन्चार्ज ज्योतिसिंह दर्लामी, प्रदेश सदस्य निरु खतिवडा, अखिल नेपाल किसान संघ (क्रान्किारी) का नगर अध्यक्ष होम आचार्यलगायतले शुभकामना मन्तव्य राखेका थिए । 

स्वागत नगर उपाध्यक्ष कमलप्रसाद कडरियाले गरेको कार्यक्रम नगरका १० वटै वडाको राजनीतिक पार्टी अवस्था, सांगठानिक अवस्था र त्यसलाई सुधार गर्नु पर्ने साथै पार्टी र जनबर्गिाय संगठनलाई सक्रिय पार्नु पर्ने रिपोर्ट प्रस्तुत गरिएको थियो । 

कार्यक्रमा पार्टीका प्रदेश सचियालय सदस्य तथा झापा सह–इन्चार्ज सिपी कडरिया, पुरुपोत्तम चुडाल, खड्गबहादुर कन्दङ्वा, प्रदेश सदस्य बासु दुलाल, कुवेर श्रेष्ठ, सञ्चार नेम्वाङ, पार्टीका झापा संयोजक राजु आचार्य, वाइसिएल प्रदेश नं. १ अध्यक्ष कुमार आचार्य, वाइसिएल झापा अध्यक्ष दधिराम रिमाललगायतको उपस्थिति रहेको थियो । कार्यक्रमको सञ्चालन नगर सचिव गणेश कालिकोटेले गरेका थिए ।