झापा ।

 नेपाली काङ्ग्रेसका नेता कृष्णप्रसाद सिटौलाले लोकतान्त्रिक बाम गठबन्धन निर्माणको उद्देश्य पूरा हुनेमा आफू विश्वस्त रहेको बताएका छन् ।

 हल्दिवारीमा झापा क्षेत्र नम्वर ३ अन्तरगत कार्यकर्ता तथा मतदातालाई धन्यवाद दिदै नेता सिटौलाले अहिलेको हारलाई आगामी दिनमा विजयमा परिणत गर्ने उद्देश्यका साथमा अगाडि बड्न समेत लोकतान्त्रिक बाम गठबन्धनका नेता कार्यकर्तालाई आग्रह गरेका छन् ।

चुनावमा हारजित स्वभाविक हुने भन्दै हारबाट आत्तिनु पर्ने कुनै कारण नभएकाले आम जनताको विचमा हिम्मतका साथ उपस्थित हुन समेत नेता सिटौलाले आग्रह गनरेका छन् ।

आफूले निर्वाचन हारेपनि जनताको विश्वास नहारेको बताउदै उनले अझै सक्रियताका साथ  सामाजिक उन्नतिका लागि विकास निर्माण र सामाजिक गतिविधिमा सक्रिय रहने समेत प्रष्ट पारेका थिए ।

कार्यक्रममा नेकपा (माओवादी केन्द्र) का अध्यक्ष नरेन्द्र फागो, नेपाली काङ्ग्रेसका सभापति गङ्गाप्रसाद प्रसाईले समेत आ–आफ्नो भनाई प्रस्तुत गरेका थिए ।  कार्यक्रमको सञ्चालन कांग्रेसका सचिव तारा ढुंगेलले गरेका थिए ।