मेचीनगर । 

झापा क्षेत्र नम्बर १ मा गठबन्धनका तर्फका नेपाली कांग्रेसका विश्वप्रकाश शर्मा बिजयी बनेका छन् ।  नेकपा एमालेका अग्निप्रसाद खरेललाई १४ हजार २७५ मतान्तरले पछि पार्दै शर्मा निर्वाचित भएका छन् ।  शर्माले ३९ हजार ६२४ मत प्राप्तगरेका छन् भने उनका निकटतम् प्रतिद्वन्दी खरेलले २५३४९ मत प्राप्त गरेका हुन् । 

दोस्रो संविधानसभा निर्वाचन, २०७० मा एमालेका रविन कोइराला र २०७४ को संसदीय चुनावमा माओवादी केन्द्रका राम कार्कीसँग पराजय भोगेका शर्माले तेस्रो पटक भारी मतका साथ विजय हासिल गरेका हुन् । 

शर्माको विजयको आधिकारिक घोषणा गर्न निर्वाचन आयोगलाई भने केही समय लाग्ने बताइएको छ ।