झापा । 

माक्र्सवादी ज्ञानकेन्द्रको दोस्रो साधारणसभाका अवसरमा बर्ष उत्कृष्ट ब्यक्तिका रुपमा नेकपा (माओवादी केन्द्र) प्रदेश कमिटी सदस्य सीता कडरिया (रक्षा) सम्मानीत भएकी छिन् । 

काठमाडौंको कमलादी प्रज्ञा प्रतिष्ठानमा आयोजित ‘समाजबादीको नेपाली मोडल’ बिषयक गोष्ठिसहित उद्घाटन भएको साधारणसभामा कार्यक्रमका प्रमुख अतिथि तथा नेकपा (माओवादी केन्द्र) का अध्यक्ष पुष्पकमल दाहाल (प्रचण्ड) ले कडरियालाई सम्मान गरेका हुन् । 

 त्यसैगरी ज्ञानकेन्द्रको अक्षयकोषका लागि आर्थिक सहयोग गर्ने झापाकी राधिका ओझा, उत्कृष्ट प्रदेशका रुपमा कर्णाली प्रदेश र उत्कृष्ट बिभागका रुपमा बित्तिय बिभागलाई सम्मान गरिएको छ । 

ज्ञानकेन्द्रले प्रत्येक बर्ष कार्य सम्पादनको आधारमा एक जनालाई बर्ष उत्कृष्ट ब्यक्तिको रुपमा सम्मान गर्ने गरेको छ । सोही अनुरुप कडरियालाई सम्मान गरिएको हो । 

ज्ञानकेन्द्रले कोरोना महामारीका वेला भर्चुवल माध्यमबाट कक्षा सञ्चालन गर्दै आएको छ भने कोभिडकै कारण पहिलो साधारणसभा भर्चुवल माध्यमबाटै गरेको थियो । 

कार्यक्रममा नेकपा (समाजबादी) का अध्यक्ष माधव नेपालको बिशेष आतिथ्य रहेको थियो भने नेकपा एमालेका स्थायी कमिटी सदस्य घनश्याम भूषाल, नेकपा बहुमतका अध्यक्ष बलराम बास्कोटालगायतको आतिथ्य रहेको थियो । ज्ञानकेन्द्रका अध्यक्ष मनहरि तिम्सिनाको अध्यक्षतामा भएको कार्यक्रममा ज्ञानकेन्द्रका महासचिव इन्द्रराज भट्टराईलगायतको उपस्थिति रहेको जनाइएको छ ।