बिर्तामोड । 

संघीय लिम्बुवान पार्टी नेपालले झापाको बिर्तामोडमा आइतवार (आज) विरोध प्रर्दशन गरेको छ । वि.स. २०६४ चैत्र ६ गते नेपाल सरकार र लिम्बूवान बिच भएको ५ बुँदे सहमति लगायतका सन्धि, सहमति कार्यन्यन नभएको भन्दै पार्टीले शान्पिूर्ण विरोध प्रदर्शन गरेको हो । 

पार्टीले बिर्तामोडको मुक्तिचोकमा कोणसभा गर्दै वि.स. १८३१ श्रावण २२ गते तत्कालिन कान्तिपुरका राजा पृथ्वीनारायण शाह र लिम्वूवान बिच भएको सन्धि र २०६४ चैत्र ६ गते नेपाल सरकार र लिम्बूवान बिच भएको ५ बुँदे सहमति लगायतका सन्धि तथा सहमति कार्यन्वयन नभएको भन्दै बिरोध प्रदर्शन गरेको छ । 

अरुण पूर्वका भू–भागलाई आदिवासी लिम्बू, याक्खा याम्फू, लोड, आठपहरे मेवाहाङ, शेर्पा, लेप्चा, धिमाल, कोच, मेवे सन्थाल, ताजपुरिया लगायतका राष्ट्रहरूको आत्म निर्णयको अधिकारसहित लिम्बूवान स्वायत राज्य स्थापना गर्नुपर्ने, नेपालको नश्लिय औपनिवेशिक संविधान संशोधन र पुर्नलेखन गर्नु पर्ने, महंगी, भष्ट्राचार कालाबजारी र बलात्कार बन्द हुनुपर्ने, राष्ट्रघाती जनविरोधी कार्यहरू बन्द गर्नु पर्ने, भष्ट्राचाररहित लिम्बूवान राज्य स्थापना गर्नु पर्ने माग राख्दै पार्टीले बिरोध प्रदर्शन गरेको छ । 

पार्टीका केन्द्रिय अध्यक्ष सञ्जुहाङ पालुङ्वाको अध्यक्षतामा भएको कार्यक्रममा पार्टीका सर्वमान्य नेता बीर नेम्पाङ, केन्द्रिय उपाध्यक्ष निश्चलता लावती, केन्द्रिय बिभागीय सचिव गोकुल भुजेल, याक्थुम चुम्लुङका अध्यक्ष भक्ति याक्थुम्बालगायतले शुभकामना मन्तव्य राखेको पार्टीका केन्द्रिय कोषाध्यक्ष एलबि पालुङ्वाले जानकारी दिए । पार्टीका केन्द्रिय उपाध्यक्ष तथा झापा इन्चार्ज मित्र लिङ्देनलगायतका नेता तथा कार्यकर्ताको सहभागीता रहेको कार्यक्रमको सञ्चालन केन्द्रिय बिभागिय सचिव तथा सुनसरी इन्चार्ज संजयकुमार राईले गरेका थिए ।  

limbu