• सुदिप गिरी 

हल्दिबारी । 

नेपाल कम्युनिस्ट पार्टी एमालेको हल्दिबारी गाउँ कमिटीको शपथ ग्रहण कार्यक्रम  शनिबार सम्पन्न भएको छ हल्दिबारी –२ स्थित राधाकृष्ण मन्दिरमा नारायणप्रसाद पोखरेलको अध्यक्षता तथा एमाले केन्द्रीय सल्लाहकार परिषद सदस्य  हरिचरण शिवाकोटीको प्रमुख आतिथ्यमा शपथ ग्रहण कार्यक्रम भएको हो । 

कार्यक्रममा  प्रदेश कमिटी सदस्य तथा झापा जिल्ला समन्वय समिति संयोजक सोमनाथ पोर्तेल, प्रदेश कमिटी सदस्य मोहनचन्द्र रेग्मी, सन्त लाल मेचे, जिल्ला कमिटी सदस्य तथा हल्दिबारी गाउँपालिका उपाध्यक्ष डम्बर बहादुर गिरी, नरेश चुडाल, छबि चुडालको उपस्थिति रहेको थियो । 

 गाउँ कमिटीका नव निर्वाचित अध्यक्ष त्रिलोचन सापकोटालाई निर्वाचन कमिटी हल्दिबारीका संयोजक आर. पि. शिवाकोटीले शपथ ग्रहण गराएका थिए ।

त्यसैगरी हल्दिबारी गाउँ कमिटीका अध्यक्ष त्रिलोचन सापकोटाले अन्य पदाधिकारीसहित बाँकी ७४ जना पदाधिकारी र सदस्यहरूलाई शपथ ग्रहण गराएका थिए।  कार्यक्रमको  सञ्चालन डम्बरबहादुर गिरीले गरेका थिए।  नेकपा एमाले हल्दिबारीको प्रथम गाउँअधिवेशनको ब्यवस्थापन २ नं वडा कमिटीका अध्यक्ष लक्ष्मीप्रसाद दंगालले गरेको गाउँ कमिटी अध्यक्ष सापकोटाले बताए।