• सुदिप गिरी
  

हल्दिबारी

हल्दिबारी –२ का युवा नेता तुलसी ओलीले नेपाली काङ्ग्रेसको आसन्न १४ औ महाधिवेशन अन्तर्गत झापा क्षेत्र नं ३(ख) प्रदेश क्षेत्रीय कार्य समिति सभापतिमा प्यानलसहित उमेद्वारी दिएका छन्।

क्षेत्र नम्बर ३ प्रदेश ख मा आज बिहान ९ बजे देखि उम्मेद्बारी दर्ता शुरु भएको निर्वाचन समितिले जनाएको छ । हल्दिवारी गाउँपालिका, बाह्रदशी गाउँपालिका, बिर्तामोड वडा नं. १० र भद्रपुर–७ का ३ सय ३४ जना प्रतिनिधिहरुले मतदानमा भागलिने छ्न् ।

उनलाई हल्दिबारी कांग्रेस सभापति गंगाप्रसाद उप्रेतीले प्रस्ताव गरेको र बाह्रदशी कांग्रेस सभापति इन्द्र बस्नेतले समर्थन गरेका छन्। उनको टिममा उपसभापतिमा टेक बहादुर राजवंशी र पहलमान श्रेष्ठ, सचिवमा अर्जुन सिटौला र प्रकाश राजवंशी, सहसचिवमा गंगाप्रसाद उप्रेती र खगेन्द्रप्रसाद सुवेदीले पदाधिकारीमा उम्मेद्बारी घोषणा गरेका छ्न् ।

ओलीले नेपाली कांग्रेसका क्षेत्रिय प्रतिनिधि, नगर सभापति  र गाउँ सभापति तथा वडा सभापतिसहित सम्पूर्णमा अत्याधिक मत दिएर प्यानल विजयी गराइदिन अनुरोध समेत गरेका छन् ।

भोली मंसिर  ३ गते गोल्धापमा सम्पन्न हुने निर्वाचनमा ओलीको प्यानल बिजयी हुने ठहर आम मतदाता को रहेको छ । नेपाली कांग्रेसको आगामी मंसिर ०६ गते क्षेत्रीय अधिवेशन  र  महाधिवेशन प्रतिनिधिको निर्वाचन हुँदैछ।