बिर्तामोड ।

 नेकपा एमालेका अध्यक्ष केपी ओलीले लोकतन्त्रको माला जप्दै लुटतन्त्र मच्चाएर लोकतन्त्रको विकास नहुने बताएका छन् । ओलीले लोकतान्त्रिक अवयवहरुले आआफ्नो मर्यादा र सिमा भित्र रहेर काम गर्न सकेमात्र लोकतन्त्र रहने बताए ।

ओली स्वयमले  झापाको बिर्तामोडमा आयोजना बडादशैको शुभकामना आदानप्रदान कार्यक्रममा बोल्दै  बोल्दै सत्ताधारी दलका नेताहरुप्रति लक्षित गर्दै दशैँको अवसरमा सबैको सद्बुद्धि आओस् भनेका छन् । 

उनले भने ‘सद्बुद्धि आओस, अलिक परसम्म हेर्ने बानी पारोस, एकछिनका लागि हैन, आफ्ना लागि मात्र हैन, देशका लागि हेर्ने, जनताका लागि हेर्ने, विकासका लागि हेर्ने, सुशासनका लागि हेर्ने, लोकतन्त्रलाई बलियो बनाउनका लागि हेर्ने सद्बुद्धि सबैमा आओस ।’

कार्यक्रममा कलाकारहरु कोमल वली, मधु गुरुङ, प्रितम आचार्य, आयुष केसी लगायतले गीत प्रस्तुत गरेका थिए । प्रत्येक बर्ष झैँ यस बर्षपनि महानवमीको दिन कार्यकर्ता माझ शुभकामना साट्न ओली झापा आएका हुन् ।