बिर्तामोड । 

 झापाको बिर्तामोड नगरपालिका–५ स्थित न्यूटन्स  एजुकेशन  एकाडेमीस्कुल नजिक  किराना पसलमा  आगलागी  भएको छ ।  गएराति अन्दाजी ११ः२५ बजेको समयमा किराना पसलमा आगलागी भएको हो । 

बिर्तामोड–५ स्थित  न्युटन्स  एजुकेशन एकाडेमी उत्तरपट्टि बिदुर मिश्रको साढे २ तले पक्की घरको भुइँतलामा सटर कोठा भाडामा लिई शर्मिला श्रेष्ठले सञ्चालन गरेको श्रेष्ठ किराना पसलमा बिद्युत सर्ट भई आगलागी भएको थियो । 

आगलागीबाट किरानाका  सम्पूर्ण सरसामानहरु जलेर नष्ट हुँदा अन्दाजी १२ लाख बराबरको क्षति भएको इलाका प्रहरी कार्यालय बिर्तामोडले जनाएको छ । आगलागीबारे इलाका प्रहरी कार्यालय बिर्तामोडमा जानकारी प्राप्त हुनासाथ इप्रका प्रहरी नायव निरीक्षक अशोक चौहानको कमाण्डमा ७ जनाको प्रहरी टोली, स्थानीय र बिर्तामोड नगरपालिकाको  दमकलको सहयोगमा आगो राति १२ बजे पूर्णरुपमा नियन्त्रणमा आएको थियो ।