बिर्तामोड ।

 बहुउद्देश्यीय लक्ष्य राखेर नारी संचार गृह झापाले स्थापना गरेको अक्षयकोषमा दाताहरुको सहयोग जुट्ने क्रम जारी  छ ।गृहको अक्षयकोषमा सामाजिक  अभियन्ता तथा अर्जुनधारा नगरपालिका वडा नं ११ का अध्यक्ष खगेन्द्र इङनाम  र गिता राईले सयुक्त रूपमा संस्थाकी अध्यक्ष रेजिना गौतम र निबर्तमान अध्यक्ष भिमा शिवाकोटीलाई दश हजार एक सय पन्ध्र  रूपैयाँ  हस्तान्तरण गरेका छन् । 

यसैगरी  बैदेशिक रोजगारी क्रममा  हाल जापानमा रहेकी संस्थाकी सदस्य  मनिषा चौलागाईले कोषमा दश हजार रुपैयाँ उपलव्ध गराएकी छन् ।

संस्थाकी कोषाध्यक्ष स्वस्तिका आचार्य सिटौलाले पाँच हजार एक सय रूपैयाँ प्रदान  भएको छ भने कार्यसमिति सदस्य भारती राईले पाँच हजार पाँचसय  रूपैयाँ नगद कोषमा  सहयोग  गरेको अक्षयकोष बृद्धि तथा परिचालन समितिका संयोजक जोस्ना श्रेष्ठले जानकारी दिइन् । 

आफ्नो जन्म  दिन, बिवाह उत्सब, बैबाहिक समारोहको अवसरमा  दाताहरुबाट  गृहको कोषमा सहयोग जुट्दै आएको छ।