झापा । 

झापाको मेचीनगर नगरपालिका–५ नकलबन्दाबाट लागू औषधसहित एक जना भारतीय नागरिकका साथमा दुई जना पक्राउ परेका छन् । खैरो हेरोइनसहित आज (सोमवार) ४ः४५ बजेको समयमा उनीहरु पक्राउ परेका हुन् ।  

इलाका प्रहरी कार्यालय नकलबन्दाबाट खटिएको प्रहरी टोलीले भारतबाट मेचि खोलाको बाटो हँुदै पैदल नेपालतर्फ आउँदै गरेका भारतको जिल्ला दार्जिलिङ नक्सालवाडी थाना दयाराम बस्ती घर भएका २० बर्षिय बिकास बैठा र दमक नगरपालिका–१ दुसंचार टोलका ३६ बर्षिय नगेन्द्र बस्नेत पक्राउ परेका छन् । 

उनीहरुलाई शंकालागी चेक जाँच गर्ने क्रममा बिकास बैठाले लगाएको पेन्टको कम्मरको भागमा लुकाई छिपाई ल्याएको ३ ग्राम लागूऔषध खैरो हेरोईन जस्तो देखीने पदार्थ फेला पारि बरामद गरेको प्रहरीले जनाएको छ । 

उक्त लागू औषधसहित दुबै जनालाई नियन्त्रणमा लिइ आवश्यक कारवाहि तथा अनुसंधान भइरहेको जिल्ला प्रहरी कार्यालय झापाले जनाएको छ ।