झापा । 

झापाका बिभिन्न स्थानबाट लागूऔषधसहित तीन जना पक्राउ परेका छन् । झापाको मेचीनगर–६ मिलडाँडामुनीबाट दुई जना र अर्जुनधारा–११ नयाँ बसपार्कबाट एक जनालाई नियन्त्रणमा लिएको छ ।  

लागू औषध नियन्त्रण ब्यूरो काँकरभिट्टाबाट खटिएको प्रहरी टोलिले भारतको पानी ट्याङ्कीबाट भाडाको सिटि सफारीमा नेपालतर्फ आउँदै गरेका दुई जनालाई पक्राउ गरेको छ । आज (आइतवार) ५ः३० बजेको समयमा कमल गाउँपालिका–४ का ३८ बर्षिय संयोग बस्नेत र दमक–८ का ३४ बर्षिय अंकित कार्कीलाई पक्राउ गरिएको हो । 

उनीहरुमाथि शंका लागि चेकजाँच गर्ने क्रममा अंकित कार्कीले घाटीमा भिरेको कलेजी रंगको गलबन्दी भित्र प्वाल बनाई प्लाष्टिकको पोका बनाई लुकाई छिपाई राखेको अवस्थामा खैरो हेरोईन ९ ग्राम ७८० मिलिग्राम फेला परेको प्रहरीले जनाएको छ । 

उक्त लागुऔषध सहित दुबै जनालाई नियन्त्रण लिइ इलाका प्रहरी कार्यालय काँकरभिट्टाबाट  आवश्यक कारवाही तथा अनुसन्धान भइरहेको प्रहरीले जनाएको छ । 

यसैगरी आज बिहान ६ः३८ बजेको समयमा अर्जुनधारा–११ नयाँ बसपार्कमा लागु औषध ओसार पसार  तथा बिक्रि बितरण गर्ने कार्य भईरहेको छ भन्ने सुचनाको आधारमा अस्थायी प्रहरी पोष्ट नयाँ बसपार्कबाट खटिएको प्रहरी टोलीले  ताप्लेजुङको मेरीङदेन गाउँपालिका–२ की १९ बर्षिया बर्षा केदेम नियन्त्रणमा लिइएको छ ।

केदेमलाई शंकास्पद अबस्थामा फेला पारी कानुनी रित पुर्वक उनको शरिर खानतलासी गर्दा प्लाष्टिकमा पोका पारी राखेको ब्राउन सुगर जस्तो देखिने लिसाईलो पदार्थ २ ग्राम १९० मिलिग्राम बरामद भएको थियो । बर्षा केदेम लिम्बुलाई नियन्त्रणमा लिई इलाका प्रहरी कार्यालयमा अनारमनी झापामा ल्याएर थप अनुसन्धान भइरहेको जिल्ला प्रहरी कार्यालय झापाले जनाएको छ ।