बिर्तामोड । 

अग्रसेन भवन बिर्तामोडले रजत महोत्सवका अवसमा नौ दिने दिव्य श्री राम कथा हुने भएको छ । आगामी चैत २२ गतेदेखि २९ गतेसम्म राम कथाको आयोजना गरेको आज (आइतवार) पत्रकार सम्मेलन गरी जानकारी दिइएको हो ।

आध्यात्मिक तथा सेवा भावले अग्रसेन भवनले रजत महोत्सवका अवसमा राम कथासहित नवनिर्मत अग्रसेन भवनको माथिल्लो तला उद्घाटनसँगै रक्तदान, कृत्रिम खुट्टा बितरण र योग शिशिरको आयोजना पत्रकार सम्मेलन गरी जानकारी दिइएको छ । 

हरिद्वारा भारतका  प्रशिद्ध कथा बाचक नवराज प्रपन्नजी महाराजले राम कथा वाचन गर्ने कार्यक्रम रहेको अग्रसेन भवन बिर्तामोडका अध्यक्ष सुरेशकुमार अग्रवाल ‘भद्रपुरे’ले बताए ।  सोही अवसरमा २६ जनालाई कृत्रिम खुट्टा बितरण, औषधि रहित जीवन जीउनका लागि सहयोग पु¥याउन सात दिने योग शिविरलगायतका कार्यक्रम आयोजना गरिएको अध्यक्ष स अग्रवालले भद्रपुरे’ले जानकारी दिए । 

२२ गते शुक्रवार विहान ७ वजेदेखि विभिन्न झाँकीसहित मान सग्रन्थ एवम् कलश शोभा यात्रा, सोही दिन अग्रसेन भवनको नव निर्मित माथिल्लो तलाको उद्घाट गरिनेछ । जसको उद्घाटन अग्रसेन भवनका सल्लाहकार जगदीश मिण्डाले गर्ने छन् भने नव निर्मत कोठासहित हलको उद्घाटन अर्का सल्लाहकार छविलदाश वंसलले गर्ने कार्यक्रम तय गरिएको प्रचार प्रसार समितिका संयोजक सन्तोष अग्रवालले जानकारी दिए । 

त्यस्तै २३ गतेदेखि २९ गतेसम्म हरेक दिन योग शिविर, चैत २५ गते विहान ११ वजेदेखि रक्तदान, २६ गते निःशुल्क कृत्रिम खुट्टा वितरण, ३० गते राम कथा समापन तथा महाप्रसाद वितरण कार्यक्रम रहेको प्रचार समितिका दिपक मित्तलले जानकारी दिए । 

कार्यक्रम सम्पन्न गर्न १५ लाख रुपैयाँ लाग्ने अनुमान गरिएको छ । कार्यक्रम सफल बनाउन १५ बढी सामाजिक संघ संस्थाको सहयोग रहने बताइएको छ । पत्रकार सम्मेलनमा नेपाल पत्रकार महासंघका उपाध्यक्ष सुव्रत न्यौपानेले सञ्चारमाध्यमले धार्मिक प्रचारप्रसारका लागि सक्दो सहयोग गर्ने प्रतिवद्धता जनाएका थिए ।