उदयपुर।

उदयपुरको बेलका नगरपालिका–६ स्थित खोला किनारमा वेवारीसे अवस्थामा रहेको गाँजा प्रहरीले बरामद गरेको छ । शनिवार  विशेष सुचनाको आधारमा जिल्ला प्रहरी कार्यालय उदयपुर र इलाका प्रहरी कार्यालय रामपुर ठोक्सिलाबाट खटिएको प्रहरी गस्ती टोलीले मुर्ती खोला किनारमा बोराभित्र प्लाष्टिकमा बेरी लुकाई छिपाई राखेको ३९ पोका गाँजा वेवारिसे अवस्थामा फेला पारेको हो । 

३९ पोका वेवारीसे अर्थात ८ सय ९१ किलो ४२३ ग्राम गाँजा फेला पारेको थियो । वरामद भएको उक्त गाँजा इलाका प्रहरी कार्यालय रामपुर ठोक्सिलामा ल्याइएको र ओसार पसारमा संलग्न व्यक्तिको खोजतलास तथा अन्य थप अनुसन्धान कार्य भईरहेको प्रहरीले जनाएको छ ।

 यसैगरी जिल्ला प्रहरी कार्यालय उदयपुरले चेकजाँचको क्रममा त्रियुगा नगरपालिका–१२ का रोहित झा र विवेक बिकलाई प्रतिवन्धित लागूऔषध ट्याव्लेट ६० चक्कीसहित  पक्राउ गरेको कोशी प्रदेश प्रहरी कार्यालय बिराटनगरले जनाएको छ ।