झापा ।
झापा गाउँपालिका–५ पन्थपाडाबाट लागूऔषधसहित दुई जना पक्राउ परेका छन् । प्रहरी चौकी शरणामतीबाट खटिएको प्रहरी टोलीले भारतबाट नेपालतर्फ आउँदै गरेको मे ३ प २०६६ नम्बरको मोटरसाईकललाई शंका लागेर चेकजाँच गरेको थियो ।
चेकजाँचका क्रममा मोटरसाईकल चालक सोही स्थानका २५ बर्षिय तोफिजुल अलि र सोही मोटरसाईकल पछाडी सवार २० बर्षिय चान महमदलाई सोमवार प्रतिबन्धित लागूऔषध ब्राउन सुगरसहित पक्राउ परेका हुन् ।
उनीहरुको साथबाट प्लाष्टिक बाहेक ३७० मिलिग्राम ब्राउन सुगर फेला परेपछि मोटरसाइकलसहित नियन्त्रणमा लिएर थप अनुसन्धान भइरहेको जिल्ला प्रहरी कार्यालय झापाले जनाएको छ ।
_1642945611.jpg)
