झापा । 

झापा कनकाई नगरपालिका–१ स्थित बिमल चौतारामा भएको सवारी दुर्घटनामा एक जनाको मृत्यु भएको छ । बिहीवार मोटरसाइकल आफै अनियन्त्रित भएर दुर्घटना भएको थियो । 

दुर्गापुरबाट खुदुनाबारीतर्फ जाँदैं गरेको मे.१० प २६२४ नं.को मोटरसाईकल आफै अनियन्त्रित भई दुर्घटना हुँदा मोटरसाईकल चालक बिर्तामोड नगरपालिका–५ का अन्दाजी २८ बर्षिय सिद्धार्थ साह र सोही मोटरसाईकलमा पछाडी सवार सोही स्थानका २४ बर्षिय सुमित साह घाइते भएका थिए । 

घाइते दुवै जनालाई तत्काल उपचारको  लागि बीएण्डसी अस्पताल बिर्तामोड पठाएकोमा सुमित साहको सोही अस्पतालमा उपचारको क्रममा साँझ ७ बजे मृत्यु भएको हो । सो सम्बन्धमा थप अनुसन्धान  भइरहेको जिल्ला प्रहरी कार्यालय झापाले जनाएको छ ।