झापा । 

झापाबाट प्रतिबन्धित लागू औषधसहित एक महिला पक्राउ परेकी छन् । मेचीनगर नगरपालिका–१३ कि अन्दाजी २५ बर्षिया लुबी कामाईलाई प्रहरीले गएराति १०ः३० बजेको समयमा पक्राउ गरेको हो । 

उनको घरमा लागूऔषध बेचबिखन भइरहेको भन्ने गोप्य सुचनाको आधारमा प्रहरी चौकी चारआलीबाट खटिएको प्रहरी टोलीले खानतलासी लिदा उनी सुत्ने कोठाबाट खैनिको प्याकेट भित्र राखिएको प्रतिबन्धित लागूऔषध ब्राउन सुगर फेला पारेको थियो । 

उनको कोठाबाट प्रहरीले प्लाष्टिक बाहेक ४६० मिलिग्राम फेला परेकोले उक्त लागू औषधसहित उनलाई नियन्त्रणमा लिई इलाका प्रहरी कार्यालय धुलाबारी राखेर थप अनुसन्धान  भइरहेको जिल्ला प्रहरी कार्यालय झापाले जनाएको छ ।