बिर्तामोड ।  

झापा बिर्तामोड नगपालिका वडा नम्बर १ स्थित कनकाई रिपियरिङ ग्यारेजमा  बनाउन ल्याएका सवारी साधनमा आगलागी भएको छ । निधि बोडिङ स्कुल बिर्तामोडको मे १ ख ३३४५ नम्बरको स्कुल बसमा वोल्डिङ गर्ने क्रममा अचानक बिद्युत सर्ट भई आगो अन्य दुई वटा सवारीमा समेत क्षति भएको थियो । आज (बुधवार) बिहान ११ः१५ बजेको समयमा बसमा आगलागी भएको थियो । 

आगलागीबाट बस पूर्ण रुपमा जलेर नष्ट हुँदा अन्दाजी २० लाख रुपैयाँ बराबरको क्षति भएको थियो । यसैगरी सोही ग्यारेजमा बनाउन ल्याएको मे १ ख २२१५ नम्बरको मात्री भाग्य रेखा नागरीक बसको अगाडीको भाग जलेर क्षति हुँदा अन्दाजी ९० हजार बराबरको  र प्र १–०१–००१ ख ४१२६ नम्बरको बसको पेन्टिङको जलेर अन्दाजी ५० हजार रुपैयाँ बराबरको क्षति भएको छ । 

उक्त घटनामा इलाका प्रहरी कार्यालय अनारमनीको प्रहरी टोली गएर स्थानिय, प्रहरी र बिर्तामोड नगरपालिकाको दमकलको सहयोगमा बिहान ११ः५५ बजे आगो  पूर्ण रुपमा नियन्त्रणमा आएको प्रहरीले जनाएको छ ।  संकेत तस्वीर