झापा ।
झापाको मेचीनगर नगरपालिका वडा नम्बर ६ पुरानो मेचीपुलबाट प्रतिबन्धित लागू औषधसहित एक जनालाई प्रहरीले पक्राउ गरेको छ । लागूऔषध नियन्त्रण ब्यूरो काँकरभिट्टा झापाबाट खटिएको प्रहरी टोलीले भारतबाट नेपालतर्फ आउँदैं गरेका शिवसताक्षि–८ का ३० बर्षिय आशिक राईलाई पक्राउ गरेको हो ।
सोमवार साँझ ५ः४५ बजेको समयमा उनलाई नियन्त्रणमा लिइएको हो । राईलाई शंका लागेर चेकजाँच गर्दा उनको साथबाट प्रतिबन्धित लागू औषध खैरो हेरोइन प्लाष्टिक बाहेक २ ग्राम फेला परेको थियो ।
उनलाई नियन्त्रणमा लिई इलाका प्रहरी कार्यालय काँकरभिट्टामा राखेर थप अनुसन्धान भइरहेको जिल्ला प्रहरी कार्यालय झापाले जनाएको छ ।
_1642945611.jpg)
