हल्दीबारी । 

झापाको हल्दीबारी गाउँपालिका पृथ्वी जयन्ती तथा राष्ट्रिय एकता दिवस मनाउँने भएको छ । पृथ्वी जयन्ती तथा राष्ट्रिय एकता दिवसको अवसरमा शनिवार अर्थात पुस २७ गते राष्ट्रिय एकताका प्रतिक राष्ट्रिय विभूति पृथ्वीनारायण शाहको फोटोमा माल्यार्पण एवं दिप प्रज्वलन लगायतका कार्यक्रम गर्ने भएको हो । 

कार्यक्रममा हल्दीबारी गाउँपालिका अन्तर्गतका सम्पूर्ण जनप्रतिनिधि, राजनैतिक पार्टी एवं प्रतिनिधीहरु, कर्मचारी, शिक्षक, संघ संस्थाहरु, टोल विकास संस्थालगायत सर्वसाधारण सबैमा उपस्थितिका लागि आग्रह गरेको छ । 

पालिकाका निमित्त प्रमुख प्रशासकीय अधिकृत राजन न्यौपानेले एक सूचना जारी गर्दै हल्दीबारी गाउँपालिकाको प्राङ्गणमा दिनको ४ बजे कार्यक्रम गरिने जनाएको छन् ।