झापा ।  

झापाको कचनकवल गाउँपलिका–२ बकलामारी तीन विघा खेतमा लगाएको दुई वटा धानको कुन्युमा आगलागी भएको छ । सोही स्थानका नारायणसिंह राजवंशीको धानको कुन्युमा अचानक गएराति १ः४५ बजे आगोलागी भएको थियो । 

पहरी चौकी पथरीया झापामा जानकारी प्राप्त हुना साथ  इलाका प्रहरी बनियानीबाट समेत प्रहरीको टोली गएको थियो । उक्त आगो  प्रहरी, भद्रपुर नगरपालिकाको दमकल र स्थानियको सहयोगमा  आज बिहान ३ः२० बजेको समयमा पूर्ण रुपले नियन्त्रणमा आएको प्रहरीले जनाएको छ । 

आगलागीबाट धानको कुन्यु पूर्ण रुपले जलेर नष्ट हुँदा अन्दाजी २०० मन धान र  पराल गरेर तीन लाख मूल्य बराबरको क्षति भएको जिल्ला प्रहरी कार्यालय झापाले जनाएको छ ।