झापा । 

झापाको कचनकवल गाउँपलिका–७ तारावनास्थित रहेको दिपज्योति सामुदायीक वन क्षेत्रमा स्थानिय जंगली हात्तीको आक्रमणबाट एक जनाको मृत्यु भएको छ । 

१५÷२० जना  महिलाहरु बुधवार १२ बजेको समयमा दाउरा र घास काट्न गएकोमा सोही स्थानकी ३४÷३५ की केलाबत्ती राजवंशीलाई एउटा जंगली हात्तीले लखेटी हराएको भनि स्थानियले ईलाका प्रहरी कार्यालय बनियानीमा जानकारी गराएका थिए ।

जानकारी पाउन साथ प्रहरी टोली गएर खोजतलास गर्ने क्रममा वन क्षेत्र नजिकै जंगली हात्तीले आक्रमण गरी घाईते अवस्थामा फेला परेकी थिइन् । उनलाई ४ः४० फेला पारी उपचारको लागि ओम साई पाथिभरा अस्पताल भद्रपुर ल्याएर थप उपचारको लागि प्रादेशिक अस्पताल भद्रपुर लगिएकोमा ५ः१० बजे अस्पताल पुर्याउन साथ डाक्टरले मृत घोषणा गरेको थिए ।

उक्त घटना स्थानमा इलाका प्रहरी कार्यालय बनियानिको प्रहरी टोलीले गएको जिल्ला प्रहरी कार्यालय झापाले जनाएको छ ।