झापा । 

झापाको मेचीनगर नगरपालिका वडा नम्बर ६ पुरानो मेचीपुलबाट प्रतिबन्धित लागू औषधसहित एक जना पक्राउ परेका छन् ।  लागूऔषध नियन्त्रण ब्यूरो काँकरभिट्टाबाट खटिएको प्रहरी टोलीले भारतबाट नेपालतर्फ आउँदै गरेका एक जनालाई मंगलबार साँझ ७ः४० बजे नियन्त्रणमा लिएको हो । 

मे ७ प ४३८८ नम्बरको मोटरसाईकलमा सवार दमक नगरपालिका–४ का २२ बर्षिय गोपाल श्रेष्ठलाई प्रहरीले पक्राउ गरेको छ । 

श्रेष्ठलाई शंका लागेर चेकजाँच गर्दा मोटरसाईकलको हेन्डल भित्र लुकाई छिपाई ल्याउँदैं गरेको प्रतिबन्धित लागूऔषध खैरो हेरोईन प्लाष्टिक बाहेक २ ग्राम १७० मिलिग्राम फेला परेको प्रहरीले जनाएको छ । 

मोटरसाईकलसहित उनलाई नियन्त्रण लिएर इलाका प्रहरी कार्यालय काँकरभिट्टामा राखेर थप अनुसन्धान  भइरहेको जिल्ला प्रहरी कार्यालय झापाले जनाएको छ ।