चन्द्रगढी ।

प्रेस क्लब भद्रपुरको आयोजनामा बधाइ तथा सम्मान कार्यक्रम सम्पन्न भएको छ । नेपाल पत्रकार महासंघको गत मंसीर २८ गते सम्पन्न निर्वाचनमा निर्वाचित झापा शाखाका पदाधिकारी तथा सदस्यका साथै कोशी प्रदेस समितिमा झापाबाट निर्वाचित पत्रकारलाइ आज (शुक्रबार) सम्मान गरिएको हो ।

भद्रपुर नगरपालिकाका नगर प्रमुख गणेश पोखरेलको प्रमुख आतिथ्यमा सम्पन्न उक्त कार्यक्रममा प्रमुख अतिथि पोखरेल, उप–प्रमुख राधा कार्की, प्रमुख प्रशासकीय अधिकृत सुनिल निरौला, वडा नम्बर ८ का वडाध्यक्ष मनोज सुब्बा (गौरब), पत्रकार महासंघ झापाका पूर्व अध्यक्ष गोबिन्द चन्द क्षेत्रीले बधाइ तथा शुभकामना मन्तब्य राखेका थिए । 

महासंघका नव निर्वाचित झापा अध्यक्ष एकराज गिरी र कोशी प्रदेश समिति उपाध्यक्ष अम्बिका भन्डारीले प्रतिबद्दता मन्तब्य राखेका थिए ।प्रेस क्लब भद्रपुरका अध्यक्ष राजबाबु शङ्करको अध्यक्षतामा सम्पन्न कार्यक्रममा स्वागत रोहित काफ्ले र सन्चालन गोपाल गिरीले गरेका थिए ।