हल्दीबारी। 

झापाको हल्दीबारीको नेपाल रेडक्रस सोसाइटी जलथल उपशाखाको सभापतिमा रेमप्रसाद खरेल निर्वाचित भएका छन् । बिहीवार साँझ सम्पन्न मत गणनाको परिणाम अनुसार खरेल निर्वाचित भएका हुन् । त्यस्तै उपसभापतिमा पुण्यकुमारी लामिछाने ,सचिवमा नितेश शाह, कोषाध्यक्षमा बलराम गिरी निर्वाचित भएको निर्वाचन समितिले जनाएको छ ।

यसैगरी महिला सदस्यमा गितादेवी भण्डारी र खुल्ला सदस्यहरुमा मनकुमार शर्मा, अग्निप्रसाद शिवाकोटी, रामप्रसाद पोखरेल र भानु भण्डारी निर्वाचित भएका छन् । उप–सचिवमा किशोर खतिवडा र उप–कोषाध्यक्षमा बाल कृष्ण बेडारी निर्विरोध निर्वाचित भएका थिए । जलथल उप–शाखामा १००९ मतदाता रहेको मा ६९६ मत खसेको थियो ।

 वडा कार्यालयको प्राङ्गणमा भएको  निर्वाचनमा दुई समुह बनाएर निर्वाचनमा उम्मेदवारहरु होमिएका थिए। कांग्रेस एमालेको गठबन्धनको नेतृत्व गर्दै रेम प्रसाद खरेलको टिम निर्वाचित भएको हो। उनको टिमले राप्रपा नेतृत्वको प्यानलका सभापति सुरेन्द्र बाह्रकोटीको टिमलाई पराजय गरेको हो।