झापा । 

झापाको मेचीनगर नगरपालिका वडा नम्बर ८ मकरेचौकमा भएको सवारी दुर्घटनामा एक जनाको मृत्यु भएको छ । मेचीनगर– स्थित भित्री पक्की सडक खण्डमा ईटाभट्टादेखी नकलबन्दातर्फ जाँदैं गरेको मे ७ प १२३४ नम्वरको मोटरसाईकल आफै अनियन्त्रित भएर गएराति ९ः २० बजेको समयमा दुर्घटना भएको थियो । 

दुर्घटनामा मोटरसाईकल चालक मेचीनगर नगरपालिका–६ का ३४ बर्षिय दिवश प्रधान घाईते भएका थिए । घाइते प्रधानलाई उपचारको लागि बीएण्डसी अस्पताल बिर्तामोड पठाईएकोमा उपचारको क्रममा गएराति ९ः५० बजेको समयमा डाक्टरले मृत घोषणा गरेका थिए । 

उक्त घटना सम्बन्धमा थप अनुसन्धान  भइरहेको जिल्ला प्रहरी कार्यालय झापाले जनाएको छ ।