झापा । 

झापाको मेचीनगर नगरपालिका–६ पुरानो मेचीपुलबाट प्रतिबन्धित लागू औषधसहित प्रहरीले एक जनालाई पक्राउ गरेको छ । सोमवार ४ः३० बजेको समयमा लागू औषध नियन्त्रण ब्यूरो काँकरभिट्टाबाट खटिएको प्रहरी टोलीले भारतबाट नेपाल तर्फ आउँदैं गरेका  िबुद्धशान्ति गाउँपालिका–२ का २१ बर्षिय प्रजित तामाङलाई पक्राउ परेका हुन् । 

तामाङलाई शंका लागी चेकजाँच गर्दा उनले मुखमा राखेर लुकाई ल्याउँदैं गरेको प्रतिबन्धित लागूऔषध खैरो हेरोईन प्लाष्टिक बाहेक २ ग्राम ३९० मिलिग्राम फेला परेको थियो । 

तामाङलाई नियन्त्रणमा लिएर इलाका प्रहरी कार्यालय काँकरभिट्टामा राखेर थप अनुसन्धान  भइरहेको जिल्ला प्रहरी कार्यालय झापाले जनाएको छ ।