झापा । 

पश्चिमी वायुको प्रभाव कायमै रहेकाले कोशी प्रदेशको पहाडी भू–भागमा आंशिक बदली हुने मौसम पूर्वानुमान गरिएको छ । देशका अन्य क्षेत्रको मौसम बुधबार मुख्यतया सफा रहने मौसम पूर्वानुमान महाशाखाले जनाएको छ । 

राती कोशी र गण्डकी प्रदेशका पहाडी भू–भागमा आंशिक बदली रहेपनि अन्य भागको मौसम मुख्यतया सफा रहने जनाइएको छ । अहिले पनि देशमा पश्चिमी वायुको सामान्य प्रभाव रहेको मौसमविदले जनाएका छन् । उनीहरुका अनुसार पछिल्लो केही दिन यता जाडो बढेको छ । 

२४ घण्टाको अन्तरालमा कर्णाली प्रदेशका उच्च पहाडी तथा हिमाली भू–भागका एक दुई स्थानमा हल्का हिमपातको सम्भावना रहेकोले पर्यटन तथा पर्वतारोहण क्षेत्रमा आंशिक असर पर्नसक्ने बताइएको छ ।