झापा ।

झापाको मेचीनगर नगरपालिका वडा नम्बर ११ तेलिबारीमा भएको सवारी दुर्घटनामा एक जनाको मृत्यु भएको छ । आज (मंगलबार) १२ः३० बजेको समयमा तेलिबारीस्थित पूर्व पश्चिम हाईवेमा बागमती प्र–०१– ००६ ख ४९०९ नम्बरको बस र मे १० प ३५७२ नम्बरको मोटरसाईकल एक आपसमा ठक्कीएर दुर्घटना भएको थियो । 

दुर्घटनमा मोटरसाईकल चालक झापा साबिक चन्द्रगढी– ६, हाल भद्रपर नगरपालिका वडा नं.१०  का ५५ बर्षिय किसन न्यौपाने घाईते भएका थिए । घाइते उनको बीएण्डसी अस्पताल बिर्तामोडमा लगिएकोमा अस्पताल पुर्याउना साथ चिकित्सकले मृत्यु भईसकेको १२ः५५ बजे घोषणा गरेको थिए । 

 बस, बस चालक जिल्ला उदयपुर चौडण्डीगढी नगरपालिका वडा नं.६ का ४२ बर्षिय बिजयकुमार यादव र मोटरसाइकल इलाका प्रहरी कार्यालय धुलाबारीको नियन्त्रणमा रहेको छ । सो सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।