झापा । 

झापा शिवसताक्षी नगरपालिका वडा नम्बर १ कमल पुलस्थित पूर्व–पश्चिम राजमार्गमा आज (बुधवार) बिहान भएको सवारी दुर्घटनामा एक जनाको मृत्यु भएको छ । 

पश्चिमबाट पूर्वतर्फ आउँदै गरेको प्रदेश १–०१–००१ च ८२२१ नम्बरको बोलेरो पिकअप र बिपरित दिशाबाट जाँदैैं गरेको मे ६ प २५१४ नम्बरको मोटरसाईकल एक आपसमा ठोक्एिर दुर्घटना भएको थियो । 

दुर्घटनामा मोटरसाईकल चालक शिवसताक्षी–८ का अन्दाजी ३५÷४० बर्षिय ललितबहादुर थापा घाईते भएका थिए । घाइते थापालाई उपचारको लागि बीएण्डसी अस्पताल बिर्तामोड लगेर उपचार भइरहेको थियो । उपचारकै क्रममा बिहान ६ः५५ बजे मृत्यु भएको चिकित्सकले घोषणा गरेको प्रहरीले जनाएको छ । 

पिकअप र पिकअप चालक मेचीनगर नगरपालिका–८ का ३१ बर्षिय विशाल खवासलाई नियन्त्रणमा लिएर इलाका प्रहरी कार्यालय झिलझिलेमा राखी थप अनुसन्धान कार्य  भइरहेको जिल्ला प्रहरी कार्यालय झापाले जनाएको छ ।