झापा । 

झापा बिर्तामोड नगरपालिका वडा नम्बर ६ स्थित बुट्टावारी चोकमा आगलागी भएको छ । गएराति ६ः३५ बजेको समयमा बिद्युत सर्ट भएर आगालागी भएको हो । 

बिर्तामोड–६ का आशिष वनको घरको सटरमा अर्जुनधारा नगरपालिका वडा नं.११ का दिपक राजबंशीले भाडामा लिएर सञ्चालन गरेको दिपक मोटरसाईकल वर्कशपमा बिधुत सर्ट भएर आगलागी भएको थियो । 

आगलागी भएको भन्ने ६ः४० बजे अस्थाई प्रहरी चौकी बुट्टावारीमा जानकारी प्राप्त हुन साथ तत्काल प्रहरी टोली गएको थियो । प्रहरी, स्थानिय र बिर्तामोड, भद्रपुर र मेची नगरपालिकाको दमकलको सहयोगमा राति ७ः१५ बजे आगलागी पूर्ण रुपमा नियन्त्रणमा आएको थियो । 

उक्त आगलागीबाट वर्कशपमा रहेको मर्मतको लागि राखिएको स्कुटर–१ थान, सुपर स्पेलेण्डर मोटरसाईकल–१ थान, एयर कम्प्रेसर–१ थान, मर्मतमा प्रयोग हुने बिभिन्न औजारहरु र उक्त कोठामा समेत क्षति भएर जम्मा अन्दाजी १५ लाख रुपैयाँको क्षति भएको प्रहरीले जनाएको छ । सो सम्बन्धमा थप अनुसन्धान कार्य भईरहेको जिल्ला प्रहरी कार्यालय झापाले जनाएको छ ।