झापा । 

झापा जिल्लाकै पुरानो, ऐतिहासिक र पौराणिक महत्व बोकेको झापाको बाह्रदशी–६ कञ्चनगढधाम साधुकुटीमा सञ्चालित गौरीशंकर शिवालय गायत्री स्वरुपाश्रम गुरुकुलमा आयोजना भएको ‘श्रीमद देवीभागवत महापुराण धनधान्याञ्चल बिराट ज्ञानमहायज्ञ’ को उद्घाटन गरिएको छ ।  महायज्ञको उद्घाटन कोशी प्रदेशका मुख्यमन्त्री हिक्मतकुमार कार्कीले गरेका हुन् । 

उनले बाह्रदशी गाउँपालिकाका अध्यक्ष देवेन्द्रप्रसाद चम्लागाँईलाई मन्तब्यका क्रममा भने राम्रो मास्टर प्लान बनाउँनु यो ठाँउ मा ४÷५ करोड पैसा दिएर ३ वर्षमा यो ठाँउलाई परिवर्तन गर्ने जिम्मा  भएको बताएका छन् । 

कार्यक्रममा बाह्रदशी गाउँपालिकाका सम्पूर्ण जनप्रतिनिधी, झापा जिल्लाका सम्पूर्ण गुरुकुलका प्रमुख गुरुसहित अन्य गुरुहरु, धार्मिक संघसंस्थाका प्रमुख, सामाजिक संघसंस्थाका पदाधिकारीहरु, चन्दादाता, सामाजिक अभियन्ता भजन किर्तन मण्डली, गुरुकुलका बटुक, धामीझाँक्री , विद्यार्थीलगायतको सहभागिता रहेको थियो।

संस्थाको ३४ औं धार्मिक अनुष्ठान तथा गुरुकुलको १७ औं वार्षिकोत्सव अन्तर्गत बालाचतुर्दशीको अवसर पारेर आज (शनिवार) मंसीर  ८ देखि १६ गतेसम्म  ‘श्रीमद देवीभागवत महापुराण धनधान्याचल बिराट ज्ञानमहायज्ञ’ शुरु भएको छ।