झापा ।  

झापाको मेचीनगर नगरपालिका वडा नम्बर ६ पुरानो मेचीपुलबाट प्रतिबन्धित लागू लागू औषध नियन्त्रण ब्यूरो काँकरभिट्टाबाट खटिएको प्रहरी टोलीले आज (शनिवार) ३ः३० बजेको समयमा खैरो हेरोइनसहित एक जनालाई पक्राउ गरेको हो । 

भारतबाट सिटी रिक्सामा नेपालतर्फ आउँदैं गरेका मकवानपुरको थाहा नगरपालिका वडा न. ६ का ३१ बर्षिय आशाकाजी तामाङलाई प्रहरीले पक्राउ गरेको छ । 

तामाङलाई शंका लागेर चेकजाँच गर्दा उनले बोकेको झोला भित्र प्लाष्टिकले पोका पारी लुकाई छिपाई ल्याउँदैं गरेको अवस्थामा खैरो हेरोइन प्लाष्टिक बाहेक १८ ग्राम ६४० मिलिग्राम फेला परेको प्रहरीले जनाएको छ । 

खैरो हेरोइन फेला परेसँगै उनलाई नियन्त्रणमा लिई इलाका प्रहरी कार्यालय काँकरभिट्टामा राखेर थप अनुसन्धान भइरहेको जिल्ला प्रहरी कार्यालय झापाले जनाएको छ ।