झापा । 

झापाको दमक नगरपालिका वडा नम्बर ३ दिपज्योति टोलमा जंगली हात्तीको आक्रमणबाट एक जनाको मृत्यु भएको छ । आज (आइतवार) बिहान राति २ बजेको समयमा जंगलबाट आएको एउटा हात्तीलाई धपाउने क्रममा सोही स्थानका ४५ बर्षिय मिनबहादुर भण्डारीको मृत्यु भएको हो । 

सोहि स्थानकी सुबिन भट्टराईको किचन घर भत्काउन लाग्दा छिमेकी भण्डारी धपाउन खोज्दा १०० मिटर परसम्म हात्तीले लखेटी लछार–पछार पारी उचालेर पछार्दा उनको मृत्यु भएको हो ।

हात्तीको आक्रमणबाट भण्डारीको मृत्यु भएको भन्ने खबर इलाका प्रहरी कार्यालय दमकमा प्राप्त हुना साथ दमकबाट प्रहरी टोली घटना स्थल गएर अनुसन्धान कार्य जारी रहेको जिल्ला प्रहरी कार्यालय झापाले जनाएको छ ।