लक्ष्मीपुर । 

दहिझोडा सामुदायिक बन उपभोक्ता समुह अन्तरगतको टोल नम्बर २ को अध्यक्षमा पुष्प भट्टराई निर्वाचित भएका छन् । अर्जुनधारा–५ स्थित बिहीवारमा रहेको सामुदायिक भननमा आज (शनिवार) भएको टोलको अधिवेशनबाट भट्टराई अध्यक्षमा निर्वाचित भएका हुन् । 

अध्यक्षमा अर्जुन रेग्मी, डम्बर थापा र भट्टराईले उम्मेद्वारी घोषणा गरेका थिए । तीनै जनाको सहमतिमा गोला प्रथा गर्दा भट्टराई निर्वाचित भएका थिए । गोलाप्रथा बन उपभोक्ता समुहका सदस्य तथा टोलको प्रतिनिधि गोकर्ण कार्की र तीला बिष्टले गरेका थिए । 

त्यस्तै सचिवमा छत्र सुब्वा सर्वसम्मत निर्वाचित भएका छन् । पाँच जनाको कार्य समितिको सदस्यमा गोपालबहादुर बस्नेत, कमला दाहाल र लक्ष्मी खाती सर्वसम्मत निर्वाचित भएका छन् । 

२ नम्बर टोल समितिका अध्यक्ष डम्बर थापाको अध्यक्षतामा भएको कार्यक्रममा अर्जुनधारा–५ का वडाध्यक्ष हरि खड्का (गीताराज) को प्रमुख आतिथ्य रहेको थियो । 

कार्यक्रममा बन उपभोक्ता समुहका अध्यक्ष टेकनाथ अधिकारी (महेन्द्र), समुहका बिधान मस्यौदा समितिका अध्यक्ष मानबहादुर कार्की, हरियाली महिला समुह टोल नं. २ की संयोजक रेखा कट्टेललगायतको आतिथ्य रहेको थियो ।