झापा ।  

झापा मेचीनगर नगरपालिका वडा नम्बर १० पूर्व–पश्चिम राजमार्गमा भएको सवारी दुर्घटनामा एक जनाको मृत्यु भएको छ । शुक्रवार साँझ ६ः२० बजेको समयमा चारआलीबाट धुलाबारीतर्फ जाँदै गरेको मे.६ प.३१७९ नम्बरको मोटर साईकलले ठक्कर दिदा इलामको रोङ गाउँपालिका वडा नं ३ कोल्बुङका अन्दाजी ५५ वर्षीय इन्द्रबहादुर गुरुङको मृत्यु भएको थियो । 

बाटो क्रस गर्दै गरेका पैदल यात्री गुरुङलाई मोटरसाइकलले ठक्कर दिदा घाइते भएका थिए । दुर्घटनामा गम्भीर घाईते भई उपचारको लागि बीएण्डसी अस्पताल बिर्तामोड पठाइएको थियो ।

अस्पताल पुर्याउ साथ चिकित्सकले चेकजाँच गर्दा मृत्यु भइसकेको घोषणा गरेका थिए । मोटरसाईकल चालक मेचीनगर नगरपालिका वडा–७ का अन्दाजी ५२ बर्षिय गणेश राजबंशीसमेत घाइते उनको सोही अस्पतालमा उपचार भइरहेको छ । घटना सम्बन्धमा थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।