झापा । 

झापामा नवजात शिशु वेवारिसे अवस्थामा फेला परेको छ । विहीबार बिहान ६ः३० बजेको समयमा मेचीनगर नगरपालिका वडा नम्बर १० निन्दा खोला नजिकै घाँरीमा शिशु फेला परेको हो । 

साल नाल सहितको जिवित छोरी जातको नवजात शिशु कमिलाले टोकीरहेको रगताम्य अवस्थामा मेचीनगर–११ की ३७ बर्षिया इन्दिरा प्रसाई (अधिकारी) मनिङ वाक गर्ने क्रममा फेला पारि इलाका प्रहरी कार्यालय धुलाबारीमा दिउँसो १ बजे बुझाएकी थिइन् । 

उक्त नवजात शिशु मेचीनगर–१० नम्बर वडा कार्यालयसँग आवश्यक समन्वय गरी वडा कार्यालयलाई जिम्मा बुझाइएको हो ।  शिशुको अवस्था सामान्य रहेको साथै सो सम्बन्धमा थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।