दमक ।   

झापाको दमक नगरपालिका–४ चिया दोकानस्थित पूर्व–पश्चिम राजमार्गमा आज (बिहीवार) बिहान ५ः४५ बजेको भएको सवारी दुर्घटनामा एक जना गम्चीर घाइते भएको छन् । 

उर्लाबारीबाट दमकतर्फ आउँदै गरेको मे १ ज ३३६३ नम्बरको बोलेरोले पैदल यात्री दमक–९ का १७ बर्षिय प्रज्वल श्रेष्ठलाई ठक्कर दिएको थियो । 

ठक्करबाट पैदल यात्री श्रेष्ठको बायाँ खुट्टा भाच्चिएको, निधार र टाउकोमा चोट लागेको थियो । उनलाई उपचारको लागि निम्स अस्पताल दमकमा ल्याई उपचार भईरहेकोछ ।

उनको अवस्था बोल्न नसक्ने बेहोस रहेको, बोलेरो र बोलेरो चालक पाँचथरको मिक्लाजुङ गाउँपालिका–२ का ३० बर्षिय तीलबिक्रम खेजुमलाई ईलाका प्रहरी कार्यालय दमकले नियन्त्रण गरेको छ ।

घटना स्थालमा प्रहरी टोली गएर नियन्त्रणमा लिएर चालक खेजुमलाई ईलाका प्रहरी कार्यालय दमकमा राखिएको र घटनाको बिषयमा थप अजुसन्धान भइरहेको प्रहरीले जनाएको छ ।