• चन्द्र बस्नेत 

 कनकाई । 

 नेपालीहरुको दोश्रो ठुलो पर्व शुभ दिपावलीको अवसरमा खेलिएको देउसी भैलोको हिसाब सार्वजनिक गरिएको छ। झापाको कनकाई नगरपालिका–१ र ७ मा रहेको कनकाई विहानी क्लब, बिहानी महिला समूह, शिद्वेश्वर शिव पान्चायन मन्दिर व्यवस्थापन समिति , शिद्वेश्वर कृतन मंडली समुहको संयुक्त आयोजनामा खेलिएको देउसी भैलोको हिसाब आज (आइतवार) क्लबको सभाहलमा सार्वजनिक गर्नुका साथै पुरस्कार वितरण समेत गरिएको छ।

क्लब, मन्दिर, कृतन मण्डली सञ्चालन गर्ने उदेश्यका लागि  खेलिएको देउसी भैलोमा ८१ हजार १६ रुपैयाँ  सङ्कलन भएको क्लबका सदस्य तथा देउसी भैलो कार्यक्रम २०८१ का संयोजक टोपलाला भुजेलले जानकारी दिए  । चार दिन साँझ २ घन्टाको  अवधिमा सो रकम सङ्कलन भएको संयोजक  भुजेलले जानकारी दिए  । यसमा नगद संङ्कलन यति भएपनि अझै धान चामल पनि उठेको र यो बिक्री भएर आउने पैसा अझै बढ्ने संयोजक भुजेलले बताए । 

सार्वजनिक कार्यक्रममा देउसी भैलो कार्यक्रममा १३ हजार १ सय ५० रुपैयाँ खर्छ भएको शिद्वेश्वर कृतन मंडली समुहकी अध्यक्ष कृष्णमाया ढकालले जानकारी दिए । जसमा देउसी भैलो कार्यक्रममा नृत्य प्रस्तुत गर्ने ९ जनालाई १ हजारका दरले ९ हजार त्यस्तै नृत्य प्रस्तुत गर्ने ३ जना साना नानीहरूलाई २ सयका दरले ६ सय रुपैयाँ प्रोत्साहन स्वरुप पुरस्कार उपलब्ध गराएको बिहानी महिला समुहकी अध्यक्ष मन्जु भुजेल (ईन्दिरा) ले जानकारी दिइन् ।

एक हजार पुरस्कार प्राप्त गर्ने नृत्य कलाकारहरूमा युनिशा बस्नेत, आकृति कोईराला, प्रिया लिम्बू, निलिशा बस्नेत, सृष्टि खड्का, स्नेहा बस्नेत, एलिशा बस्नेत, एलिशा थापा र मेरिस्का अधिकारी रहेको जनाइएको छ।

त्यस्तै अन्य साना नृत्य प्रस्तुत गर्ने नानीहरूमा प्रमदा बारकोटी, बेबिशा बस्नेत र शिजु आचार्यलाई २ सयका दरले पुरस्कार उपलब्ध गराएको संयोजक भुजेलले बताए । त्यस्तै अन्य खर्चमा सवारी भाडा बापत ३ हजार र खाजा खर्च ६ सय ५० रुपैयाँँ गरि कुल १३ हजार २ सय ५० रुपैयाँ बाकी ६७ हजार  ७ सय ६६ रुपैयाँ संयोजक भुजेलले कनकाई बिहानी क्लबका अध्यक्ष लोकनाथ उप्रेतीलाई हस्तान्तरण गरेका थिए।

देउसी भैली कार्यक्रममा गायन तर्फ कृतन मंडली अध्यक्ष कृष्णमाया ढकाल, लक्मीप्रसाद ढकाल, प्रीज्मा त्रिखत्री, चन्द्रकला ढकाल, अर्जुन पौडेल प्राविधिक उज्ज्वल पौडेल लगायतको खुलेर प्रसंशा भएको थियो ।

हिसाब सार्वजनिक कार्यक्रममा क्लबका सस्थापक अध्यक्ष मनोज बस्नेत, शिद्वेश्वर शिव पान्चायन मन्दिरका अध्यक्ष बालकृष्ण सिटौला, सल्लाहकार समिति  संयोजक अनिरुद्र ओली, सल्लाहकार सदस्य होमबहादुर बस्नेत, पन्डित बलाराम पौडेल, क्लबका सम्पूर्ण पदाधिकारी, मन्दिर व्यवस्थापन  समितिका सम्पूर्ण पदाधिकारी, कृतन मंडलीका सम्पूर्ण पदाधिकारी, क्लबका उपाध्यक्ष रमेशकुमार बारकोटी, मन्दिर व्यवस्थापन समितिका सचीव चुडामणिा ढकाल, सल्लाहकार गोकुल भुजेल, डम्बरबहादुर भुजेल, जानुका सिटौला  कृतन मंडली सचीव सुरेखा कार्की, दुर्गा तिम्सिना, कमला कार्की  क्लबका सदस्य गिता कार्की (बस्नेत) दिपक कोईराला, मुना खवास, टेकेन्द्र माझी डिल्लु भुजेल लगायतको उपस्थितमा हिसाब  सार्वजनिक गरिएको हो।

कार्यक्रममा क्लबका सस्थापक अध्यक्ष मनोज बस्नेतले क्लब स्थापनादेखी साथ सहयोग सल्लाह दिने सम्पूर्णमा धन्यवाद दिदै आगामी दिनमा पनि यस्तै साथ सहयोग पाउनेमा ढुक्क रहेको बताएका थिए । 

कार्यक्रममा क्लबका सस्थापक अध्यक्ष मनोज बस्नेत ,शिद्वेश्वर शिव पान्चायन मन्दिरका अध्यक्ष बालकृष्ण सिटौला, सल्लाहकार समिति  संयोजक अनिरुद्र ओली, सल्लाहकार सदस्य होमबहादुर बस्नेत, पन्डित बलाराम पौडेल, उपाध्यक्ष रमेशकुमार बारकोटी, मन्दिर व्यवस्थापन समितिका सचिव चुडामणिा ढकाल, सल्लाहकार गोकुल भुजेल, डम्बरबहादुर भुजेललगायतले देउसी भैलो कार्यक्रम तयारी बिना छोटो समयमा उपस्थित सहभागीताले उत्साह जगाएको र सोचेभन्दा कार्यक्रम सफल भएको भन्दै खुशी प्रकट गरेका थिए ।

कार्यक्रमको संचालन क्लबका सचिव  निर्मला बस्नेत गरेकी थिइन् । क्लबले विभिन्न दाताबाट प्राप्त जग्गामा मन्दिर तथा सामुदायिक भवन निर्माण गरिसकेको छ।आगामी दिनमा समेत दाता परिवारको ईच्छा र आवश्यकता अनुसार अगाडी बड्ने क्लवका अध्यक्ष उप्रेतीले प्रतिवद्वता जनाएका छन् ।