झापा । 

गएराति झापाको गौरीगञ्ज गाँउपालिका वडा नम्बर ३ ठेकिटोलास्थित हुलाकी सडक खण्डमा भएको सवारी दुर्घटनाका घाइतेको उपचारका क्रममा मृत्यु भएको छ । 

गएराति ९ः३० बजेको समयमा पश्चिम गौरीगञ्ज बजारबाट पूर्व कोरोबारीतर्फ जादैं गरेको मे ८ प ८८९५ नम्बरको मोटर साइकल आफै अनियन्त्रित भएर दुर्घटना भएको थियो । 

 दुर्घटनामा मोटरसाइलक चालक गौरी गाउँपालिका–४ का ३० बर्षिय रोशन मगर र पछाडी सवार गौरीगञ्ज–२ का ३२ बर्षिय श्याम राजबंशी घाइते भएका थिए । 

घाइते उनीहरुलाई उपचारको लागि लाईफलाईन अस्पताल दमक पठाएइको थियो । उपचारको क्रममा मोटरसाइकल चालक रोशन मगरको राति १०ः३० बजेको समयमा मृत्यु भएको प्रहरीले जनाएको छ । 

मोटरसाइकललाई नियन्त्रणमा लिएर र सो घटना सम्बन्धमा अनुसन्धान भइरहेको जिल्ला प्रहरी कार्यालय झापाले जनाएको छ ।