बाह्रदशी । 

झापाको बाह्रदशी गाउँपालिका वडा नम्बर २ लिम्बू गाउँ नजिक बिरिङ खोला पुल पूर्व हुलाकी राजमार्गमा मोटरसाइकलले पैदलयात्रीलाई ठक्कर दिदा एक बालकसहित तीन जना घाइते भएको छन् । 

आज (बिहीवार) ४ः१० बजेको समयमा पैदल यात्री कचनकवल गाउँपालिका–६ वनियानीकी ३० बर्षिया पुजा राजवंशी, मोटरसाइकल चालक बाह्रदशी गाउँपालिका–२ वुट्टाबारीका २४ बर्षिय अविर आलम र उनका छोरा ३ बर्षिय रियाज आलम घाइते भएका हुन् । 

पूर्व दिशाबाट पश्चिम तर्फ पैदल हिन्दै गरेकी पुजा राजवंशीलाई सोहि दिशाबाट आउँदै गरेको प्र.१–०१–०१३ प ८३५६ नम्बरको पल्सर मोटरसाइकलले ठक्कर दिदा दुर्घटना भएको थियो । 

दुर्घटनामा परि पुजा राजवंशीको दुवै खुट्टा र कम्मर, चालक अविर आलमको दुवै खुट्टा, हात र टाउको र रियाज आलमको टाउकोमा चोट लागि सख्त घाइते भएका छन् । उनीहरु तीनै जना घाइतेलाई उपचारका लागि विर्तामोडस्थित विर्तासिटि  अस्पताल लगिएको बुझिएको छ ।