दुर्गापुर ।

 झापाको कनकाई नगरपालिका वडा नम्बर ५ चप्रामारी स्थित भित्री कच्ची सडक खण्डमा भएको सवारी दुर्घटनामा एक जना बालकको मृत्यु भएको छ । 

आज (सोमजार) बिहान अन्दाजी ११ बजेको समयमा चप्रामारीस्थित भित्री कच्ची सडक खण्डमा मे ११ प ३३८ नम्बरको मोटरसाइकलले बाटोमा खेल्दै गरेका सोही स्थानका  बिनोद पाठकका ७ वर्षीय छोरा सोहन पाठकलाई ठक्कर दिएको थियो ।

घाइते बालकलाई उपचारको लागि बिर्तासिटी अस्पताल पठाएकोमा अस्पताल पुर्याउना साथ डाक्टरले मृत घोषणा गरेका थिए ।दुर्घटनापछि मोटरसाइकल चालक सोही स्थानका अन्दाजी २२ वर्षीय आजत मिया फरार भएका छन् ।

मोटरसाइकल इलाका प्रहरी कार्यालय सुरुङ्गाको नियन्त्रणमा रहेको र फरार चालकको खोजतलास भइरहेको जिल्ला ट्राफिक प्रहरी कार्यालयले झापाले जनाएको छ ।